İnsidentin baş verdiyi “İdrak”da astronomik TƏHSİL HAQLARI

Fevralın 6-da saat 9 radələrində Binəqədi rayonunda yerləşən özəl “İdrak” liseyində təhsil alan 10-cu sinif şagirdi Ə.Ş insident törədib. Belə ki, o, atasına məxsus ov silahı ilə məktəbə gələrək orada müəllimə işləyən Ş.K-ya xəsarət yetirib.

Modern.az xatırladır ki, “İdrak” liseyi ölkədə ən prestijli özəl təhsil müəssisələrindən biridir. Bu təhsil ocağında illik təhsil haqqı ibtidai pillədə ödəniş 10 000-12 500 manat, orta siniflər üzrə isə 10 500-16 500 manat təşkil edir.

Məlumat üçün bildirək ki, İdrak Liseyində qiymətlər tədris dilinə, dərs vəsaitlərinə, qidalanma (səhər və günorta yeməyi), məşğələlər, müəllimin yerli və ya xarici olmasına, eləcə də təhsil pilləsinə görə fərqlənir. 

Xatırladaq ki, “İdrak” liseyinin baş direktoru Mönsüm Alışovdur.