Minimum əmək haqqı 60%-dən çox artırılıb

İran hakimiyyəti minimum əmək haqqını 60%-dən çox artırıb.

Modern.az yerli KİV-ə istinadən xəbər verir ki, qərar ABŞ və İsraillə müharibə fonunda verilib.

Bundan əvvəl İran iqtisadi çətinliklərlə müşayiət olunan və aylarla davam edən etirazlara qərq olmuşdu. Minimum əmək haqqı hər il dəhşətli inflyasiya səbəbindən yenidən nəzərdən keçirilir. Bu inflyasiya ötən ilin oktyabr ayında 48,6%-ə çatıb və dekabr ayına qədər 42,2%-ə düşüb.

Müharibə fonunda onun faktiki dəyərini qiymətləndirmək çətindir. İndi minimum əmək haqqı ayda 103 milyon rialdan 166 milyon riala qədər artacaq. Bu, qara bazar valyutasında təxminən 112 dollara bərabərdir.