ABŞ səfiri nəhayət Şuşaya GETDİ – FOTOLAR
ABŞ-ın Bakıdakı səfiri Mark Libbi xanımı Danusia ilə birlikdə bu gün işğaldan azad olunmuş Füzuli və Şuşa şəhərlərinə səfər edib.
Elminfo.az saytı turkustan.az-a istinadən xəbər verir ki, Bu bardə ABŞ-ın Azərbaycandakı səfirliyindən məlumat verilib.
Səfər zamanı səfir hökumət nümayəndələri ilə görüşməyi, xanımı ilə birlikdə Şuşa qalası, Xurşidbanu Natəvanın evi, Xan qızı bulağı, Vaqif məqbərəsi ilə tanış olmağı və Cıdır düzünü gəzməyi, səfirliyin dəstəklədiyi ingilis dili proqramında iştirak edən yerli təhsil işçiləri ilə görüşməyi planlaşdırır.
Qeyd edək ki, Azərbaycanda rəsmi olaraq bu ilin yanvar ayından fəaliyyətə başlayan Mark Libbi ölkəmizə gəldiyi gündən müxtəlif regionlara səfər etməklə diqət çəkib.
O, daha əvvəl Bakıdakı Şəhidlər xiyabanından, İçərişəhərdən, Abşerondakı “Yanardağ”dan, Qəbələ və Şəki rayonlarından sosial şəbəkələrdə şəkillər paylaşıb.
Azərbaycanlı sosial şəbəkə istifadəçiləri isə Mark Libbini işğaldan azad olunmuş Qarabağ torpaqlarına – Şuşaya səfər etməyə çağırmışdılar.
Mark Libbi bir neçə gün öncə mətbuata açıqlamasında Şuşanı “qaytarılmış ərazi” adlandırmış və “mən harasa kiminsə şousunun iştirakçısı olmaq üçün getmək istəmirəm” demişdi.
