“Məhəmməd Füzuli poeziyasının dili və üslubu” mövzusunda respublika konfransı keçiriləcək

24 oktyabr 2024-cü il tarixində saat 11:00-da AMEA-nın Nəsimi adına Dilçilik İnstitutunun təşkilatçılığı ilə Məhəmməd  Füzulinin anadan olmasının 530 illiyinə həsr edilmiş “Məhəmməd  Füzuli poeziyasının dili və üslubu” mövzusunda respublika konfransı keçiriləcək.

Tədbirdə “Məhəmməd Füzuli əsərlərinin terminoloji leksikası”, “Məhəmməd Füzuli  yaradıcılığında konsept problemi”, “Məhəmməd Füzulinin  anadilli qəzəllərinin dili, “Məhəmməd Füzuli yaradıcılığında bədii ifadə vasitələri” və “Məhəmməd Füzulinin yaradıcılığında başlıqların semantik, funksional və üslubi xüsusiyyətləri” mövzusunda məruzələr dinləniləcək.

Ünvan: Bakı ş., Hüseyn Cavid pr. 117 (AMEA-nın Əsas binası, kiçik akt zalı, II mərtəbə)