SpaceX-ın kosmosa göndərdiyi 4 astronavt Yerə qayıdıb
Elminfo.az xəbər verir ki, Crew-7 missiyası çərçivəsində SpaceX-ın kosmosa göndərdiyi astronavtlar Beynəlxalq Kosmik Stansiyada 6 aylıq missiyalarını başa vurublar. Onlar artıq Yerə eniş ediblər.
Astronavtların olduğu kapsul Meksika körfəzinə düşüb. İçində amerikalı astronavt Jasmin Moghbeli, danimarkalı astronavt Andreas Mogensen, yapon astronavt Satoşi Furukava və rusiyalı kosmonavt Konstantin Borisov olan kapsulun Yerə enməsi canlı yayımlanıb.
Yer orbitində 199 gündən sonra geri qayıdan ekipajın sağlamlıq yoxlamalarından keçəcəyi bildirilir.
Xatırladaq ki, astronavtlar SpaceX tərəfindən istehsal edilən Falcon 9 raketi ilə ötən ilin avqust ayında orbitə buraxılıb. Missiya uğurla başa çatıb.
