Peşə Təhsil Mərkəzində yeni təyinat

Pəri Teymurova Tovuz Dövlət Peşə Təhsil Mərkəzində tərbiyə işləri üzrə direktor müavini vəzifəsinə təyin edilib.

Modern.az xəbər verir ki, bu barədə Peşə Təhsili üzrə Dövlət Agentliyindən bildirilib.

Pəri Teymurova 2012-ci ildə Azərbaycan Dillər Universitetində “Xarici dil (fransız dili)” ixtisası üzrə bakalavriat təhsili alıb.

Əmək fəaliyyətinə Qazax rayonu M.Həsənov adına I Şıxlı kənd tam orta məktəbində müəllim kimi başlayıb. 2024-cü il 24 sentyabr tarixindən etibarən Tovuz rayonu Bayramlı kənd Z.Yusifov adına tam orta məktəbində pedaqoji fəaliyyətini davam etdirib.

Bununla yanaşı, Tovuz Dövlət Sosial-İqtisadi Kollecində və Qazax rayonu Z.Mahmudov adına məktəbin Peşə Təmayüllü Siniflər layihəsində qrup rəhbəri vəzifəsində çalışıb.