Rusiya Prezidenti Vladimir Putin amerikalı həmkarı Donald Trampı 9 May Qələbə Günü Paradına dəvət etməyib.
Modern.az xəbər verir ki, bu barədə Putinin mətbuat katibi Dmitri Peskov jurnalistlərin suallarını cavablandırarkən bildirib.
Rusiya prezidentinin köməkçisi Yuri Uşakovun sözlərinə görə, tədbirdə Slovakiyanın Baş naziri Robert Fiko və digər xarici qonaqlar iştirak edəcək. Lakin Uşakov parada dəqiq kimlərin qatılacağını açıqlamayıb.
Kreml dəvət olunmuş xarici liderlərin tam siyahısını daha sonra açıqlayacağına söz verib.
Mənbə: Modern.az
