“Google DeepMind” şirkəti “Gemini Robotics 2” süni intellekt modelinin ev şəraitində müxtəlif gündəlik tapşırıqları necə yerinə yetirdiyini göstərən yeni videolar yayımlayıb.
Modern.az xəbər verir ki, nümayişlərdə “Gemini Robotics 2” həm “Apptronik” şirkətinin “Apollo 2” humanoid robotunu, həm də iki robot qolundan ibarət “Franka F3 Duo” sistemini idarə edir. Robotlar süni intellektin köməyi ilə ətraf mühiti anlayaraq müxtəlif məişət tapşırıqlarını yerinə yetirirlər.
“Gemini Robotics 2″nin əsas üstünlüklərindən biri süni intellektin yalnız verilmiş əmri icra etməsi deyil, fiziki mühiti analiz edərək hansı hərəkətlərin lazım olduğunu müəyyənləşdirə bilməsidir. Beləliklə, “Gemini” kimi süni intellekt modellərinin imkanları kompüter və smartfon ekranlarından çıxaraq fiziki robotlara inteqrasiya olunur. Google DeepMind-in nümayiş etdirdiyi texnologiya hələ robotların yaxın zamanda hər evdə olacağı mənasına gəlmir. Bununla belə, yeni demolar humanoid və robot qollardan ibarət sistemlərin gələcəkdə ev işlərinin bir hissəsini insanların əvəzinə görə biləcəyini göstərir.
Mənbə: Modern.az
