Sertifikasiyadan keçə bilməyən müəllimlərin SAYI

Sertifikasiyanın hər iki cəhdində uğur qazana bilməyən 9 334 müəllimin əmək müqaviləsinə xitam verilib.

Modern.az xəbər verir ki, bunu elm və təhsil naziri Emin Əmrullayev “Sertifikatlaşdırma: səriştəli müəllim – keyfiyyətli təhsil” mövzusunda keçirilən tədbirdə çıxışı zamanı deyib.

Nazir bildirib ki, ümumilikdə 91 407 müəllim sertifikatlaşdırma prosesində uğur qazanıb.

Onun sözlərinə görə, sertifikatlaşdırmanın nəticələrinə əsasən 60 818 müəllimin əməkhaqqına 10 faiz, 30 590 müəllimin əməkhaqqına isə 35 faiz əlavə olunub.