Qarabağın ən yaxşı MƏKTƏBLƏRİ – SİYAHI

Qarabağ regionu üzrə respublikanın ən yaxşı məktəblərinin siyahısı açıqlanıb.

Modern.az xəbər verir ki, “AzEdu.az”ın əldə etdiyi məlumata görə, bu barədə 2025-ci ilə aid tələbə qəbulu və ümumi təhsil müəssisələri üzrə buraxılış imtahanlarının nəticələrinə dair elmi-statistik materialların yer aldığı “Abituriyent” jurnalının 12-ci nömrəsində məlumat verilib.

Ağcabədi rayonu üzrə 2025-ci ildə ümumtəhsil müəssisələrini 1526 şagird bitirib, onların 1508 nəfəri buraxılış imtahanında iştirak edib. Rayon məzunlarının 88 nəfəri 500-dən, o cümlədən 19 nəfəri 600-dən yuxarı bal toplayıb. Bu il rayonun ən yaxşı məktəbi sırasında 4 nömrəli şəhər tam orta məktəbi qeyd olunub.

Ağdam rayonu üzrə 2025-ci ildə ümumtəhsil müəssisələrini 1698 şagird bitirib, onların 1691 nəfəri buraxılış imtahanında iştirak edib. Rayon məzunlarının 114 nəfəri 500-dən, o cümlədən 25 nəfəri 600-dən yuxarı bal toplayıb. Respublika üzrə yaxşı məktəblər sırasına 42 və 88 nömrəli tam orta məktəblər daxil edilib. Rayonun ən yaxşı məktəbləri sırasında isə 34 və 89 nömrəli tam orta məktəblər yer alıb.

Bərdə rayonu üzrə 2025-ci ildə ümumtəhsil müəssisələrini 1519 şagird bitirib, onların 1512 nəfəri buraxılış imtahanında iştirak edib. Rayon məzunlarının 127 nəfəri 500-dən, o cümlədən 31 nəfəri 600-dən yuxarı bal toplayıb. Respublika üzrə yaxşı məktəblər sırasına Akademik Zərifə Əliyeva adına Texniki təmayüllü məktəb-lisey və 8 nömrəli şəhər tam orta məktəbi daxil edilib. Rayonun ən yaxşı məktəbləri sırasında isə F.Muradov adına 7 nömrəli şəhər və Y.Yusifov adına Mollaisalar kənd tam orta məktəbləri göstərilib.

Füzuli rayonu üzrə 2025-ci ildə ümumtəhsil müəssisələrini 1106 şagird bitirib, onların 1096 nəfəri buraxılış imtahanında iştirak edib. Rayon məzunlarının 77 nəfəri 500-dən, o cümlədən 22 nəfəri 600-dən yuxarı bal toplayıb. Respublika üzrə yaxşı məktəblər sırasına 8 və 46 nömrəli tam orta məktəblər daxil edilib. Rayonun ən yaxşı məktəbləri sırasında isə Horadiz qəsəbə 1 və 3 nömrəli tam orta məktəblər qeyd olunub.

Xocalı rayonu üzrə 2025-ci ildə ümumtəhsil müəssisələrini 79 şagird bitirib və onların hamısı buraxılış imtahanında iştirak edib. Rayon məzunlarının 3 nəfəri 500-dən yuxarı bal toplayıb.

Xocavənd rayonu üzrə 2025-ci ildə ümumtəhsil müəssisələrini 131 şagird bitirib və onların hamısı buraxılış imtahanında iştirak edib. Rayon məzunlarının 12 nəfəri 500-dən, o cümlədən 4 nəfəri 600-dən yuxarı bal toplayıb.

Şuşa rayonu üzrə 2025-ci ildə ümumtəhsil müəssisələrini 225 şagird bitirib və onların hamısı buraxılış imtahanında iştirak edib. Rayon məzunlarının 12 nəfəri 500-dən, o cümlədən 2 nəfəri 600-dən yuxarı bal toplayıb. Respublika üzrə yaxşı məktəblər sırasına Şuşa şəhər 7 nömrəli tam orta məktəbi daxil edilib.

Tərtər rayonu üzrə 2025-ci ildə ümumtəhsil müəssisələrini 706 şagird bitirib, onların 699 nəfəri buraxılış imtahanında iştirak edib. Rayon məzunlarının 27 nəfəri 500-dən, o cümlədən 9 nəfəri 600-dən yuxarı bal toplayıb. Bu il rayon üzrə respublikanın ən yaxşı məktəbləri siyahısında yer alan təhsil müəssisəsi olmayıb.

Beləliklə, Qarabağ iqtisadi rayonu üzrə 500-dən yuxarı bal toplayan məzunların sayına görə Bərdə (127 nəfər), Ağdam (114 nəfər) və Ağcabədi (88 nəfər) ilk üçlükdə qərarlaşıb. Respublikanın ən yaxşı məktəbləri siyahısında isə Ağdam, Bərdə, Füzuli və Şuşa rayonlarının təhsil müəssisələri yer alıb. Bu nəticələr regionun bir sıra məktəblərində yüksək akademik göstəricilərin əldə olunduğunu və keyfiyyətli təhsil mühitinin formalaşdığını göstərir.