“Atamın vəziyyəti ağırdır, bu gün onu xəstəxanadan evə çıxardıq”.
Bunu Modern.az-a şair Əlisəmid Kürün qızı Aynur Mehdiyeva deyib.
Onun sözlərinə görə, atasının səhhətində heç bir irəliləyiş müşahidə olunmur:
“Həkimlər əllərindən gələni etsələr də, çarəsi yoxdur. Ailəmizin və həkimlərin yekun razılığı ilə onu evə çıxarmağa qərar verdik. Atam xərçəngdir, xəstəlik metastaz verib”,- deyə o bildirib.
Xatırladaq ki, 71 yaşlı şair bir neçə gün əvvəl xəstəxanaya yerləşdirilmişdi və onun müalicəsi Respublika Klinik Xəstəxanasının Reanimasiya şöbəsində aparılırdı.
Mənbə: Modern.az
