Tramp Zelenskini də təriflədi: Yaxşı oğlandır

ABŞ prezidenti Donald Trump Ağ Evdəki Oval kabinetdə jurnalistlərlə söhbəti zamanı Ukrayna prezidenti Volodimir Zelenski haqqında müsbət fikirlər səsləndirib.

Modern.az xəbər verir ki, Tramp bildirib:

“Onun işlərin öhdəsindən kifayət qədər yaxşı gəldiyini düşünürəm”.

“Necə baxırsınızsa baxın, o bunu kifayət qədər yaxşı edir. Onu cəsur adlandırmaq lazımdır. Onun yaxşı təchizatı, yaxşı insanları və döyüşçüləri var”, – deyə ABŞ prezidenti əlavə edib.

Tramp və Zelenski ötən həftə Fransada keçirilən G7 Sammiti çərçivəsində görüşüblər. Həmin vaxt ABŞ prezidenti danışıqların “çox yaxşı” keçdiyini və tərəflərin Rusiya-Ukrayna münaqişəsinə diqqət yetirmək niyyətində olduqlarını qeyd etmişdi.