Qəhvənin əsas sortları olan robusta və arabika üçün dünyada birja qiymətləri iyul ayında bu ilin yanvar ayından bəri maksimuma yüksəlib.
Oxu.Az-ın xəbərinə görə, bunu “RIA Novosti” Dünya Bankının məlumatlarını təhlil etdikdən sonra aşkar edib.
Beləliklə, təşkilatın məlumatlarına görə, əvvəlki ayda robustanın qiyməti iyun ayı ilə müqayisədə 9.1% artaraq kiloqramı üçün 4.07 dollara çatıb. Göstərici sonuncu dəfə yanvar ayında bu səviyyədən yuxarıda olub və 4.24 dollar təşkil edib.
Arabika sortu üçün qiymətlər isə iyul ayında daha əhəmiyyətli dərəcədə artıb – aylıq ifadədə 16.5% artaraq kiloqramı üçün 7.91 dollara çatıb. Göstərici, həmçinin bu ilin yanvar ayından bəri ən yüksək olub ki, o zaman məhsulun kiloqramı üçün qiymət 8.02 dollar təşkil edib.
Bundan əlavə, kakao qiymətləri ötən ay 27.5% artaraq, kiloqram üçün 5.61 dollara yüksəlib. Göstərici sonuncu dəfə ötən ilin dekabr ayında bu səviyyədən yuxarı olub və 5.78 dollar təşkil edib.
Mənbə: Oxu.az
