Mirzə Ələkbər Sabirin vəfatının 115 illiyinə həsr olunan layihənin icrası yekunlaşıb

0

Mirzə Ələkbər Sabir Fondu Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə yardımı ilə “Sabirin sözü, zamanın gözü” layihəsinin icrasını yekunlaşdırıb. Layihə M.Ə.Sabirin vəfatının 115 illiyi münasibətilə həyata keçirilib.

Layihə çərçivəsində M.Ə. Sabirin satirik şeirləri əsasında hazırlanmış  klassik karikaturalarla yanaşı, ötən 115 ilin baxış bucağını əks etdirən müasir karikatura və illüstrasiyalardan ibarət “Sabirin sözü, zamanın gözü” adlı kitab nəşr olunub.  Həmçinin, Bakıda kitabın təqdimatı və illüstrasiyaların sərgisi keçirilib.

Bununla yanaşı, əsərləri dövlət varidatı elan edilən M.Ə.Sabirin sosial problemlər, ədalətsizlik, ehkamçılıq, maarifsizlik, milli dəyərlərin aşınması, ailə-məişət münasibətlərindəki tənəzzül, mövcud ənənələrin zədələnməsi, erkən və qeyri-bərabər nikahlar, cəhalət və dini fanatizm kimi problemləri unikal dillə necə hədəfə alması mövzusunda mediada məqalələr dərc edilib.

Leave A Reply

This website uses cookies to improve your experience. We'll assume you're ok with this, but you can opt-out if you wish. Accept Read More