Aktual Bu gün, 17:02 Abituriyentlər üçün yeni rəqəmsal platforma: “SİZİN UNEC”

Qəbul imtahanları ərəfəsində abituriyentlərin və valideynlərin ən çox düşündüyü “Niyə məhz bu universitet?” və “Bu ali təhsil müəssisəsi mənə hansı imkanları təqdim edəcək?” suallarıdır.

Modern.az xəbər verir ki, məhz bu suallara dolğun və rahat formada cavab vermək məqsədilə İqtisad Universiteti tərəfindən “SİZİN UNEC” adlı yeni rəqəmsal platformanı istifadəyə verilib.

Platformada abituriyentlər UNEC-in təhsil, təqaüd, karyera və beynəlxalq imkanları ilə rahat, vizual və cəlbedici formatda tanış ola bilərlər. Platformanın əsas üstünlüklərindən biri funksional və intuitiv dizaynıdır. Müxtəlif rənglərlə təqdim olunan interaktiv bölmələr vasitəsilə abituriyentlər maraqlandıran mövzulara bir kliklə keçid edərək universitet haqqında ətraflı məlumat əldə edirlər.

“SİZİN UNEC” platformasında UNEC-in beynəlxalq reytinqlərdə qazandığı uğurlar, keyfiyyətli təhsil standartları və üstünlükləri, ikili diplom, beynəlxalq mübadilə, UDİD, Minor proqramları, daxili təqaüd imkanları, müasir kampus infrastrukturu, tələbələrin təhsil müddətində qazandıqları praktiki bacarıqlar, iş dünyası ilə əməkdaşlıq imkanları, eləcə də digər üstünlüklər barədə operativ məlumat əldə etmək mümkündür.

Platforma abituriyentlərə universitet seçimini real faktlar əsasında etmək imkanı yaradır.

Gələcəyini beynəlxalq standartlara cavab verən, innovativ və dinamik universitet mühitində qurmaq istəyən hər bir abituriyent “SİZİN UNEC” platformasını ziyarət edərək universitetin təqdim etdiyi geniş imkanlarla tanış ola bilər.

Platformaya keçid: //sizin.unec.edu.az/