Ermənistanda seçki qalmaqalı: 21 nəfər tutuldu

Ermənistanda seçicilərin pulla ələ alınması (seçki rüşvətxorluğu) işi üzrə aparılan təhqiqatlar çərçivəsində son 2 gündə daha 21 nəfər saxlanılıb.

Modern.az Ermənistan mətbuatına istinadən xəbər verir ki, bu barədə ölkənin Antikorrupsiya Komitəsindən məlumat verilib.

Rəsmi açıqlamaya görə, hazırkı vaxta qədər saxlanılan şəxslərdən 13-ü barəsində artıq həbs qətimkan tədbiri seçilib. Faktla bağlı araşdırmalar və əməliyyat-istintaq tədbirləri davam etdirilir.