Moskvada Azərbaycanın xarici işlər naziri Ceyhun Bayramovla rusiyalı həmkarı Sergey Lavrov arasında görüş başlayıb.
Modern.az xəbər verir ki, nazirlər əvvəlcə təkbətək formatda görüşüblər.
Onlar daha sonra nümayəndə həyətlərinin iştirakı ilə geniş tərkibdə danışıqlar aparacaqlar.
Danışıqlarda Rusiya-Azərbaycan ikitərəfli münasibətləri, regional və dünya gündəmində olan aktual məsələlərinin müzakirəsi planlaşdırılıb.
Nazirlərin danışıqların yekunu ilə bağlı birgə mətbuat konfransı keçirəcəyi də gözlənilir.
Mənbə: Modern.az
