İyulun 24-də Azərbaycan Dövlət Neft Şirkətinin (SOCAR) Müşahidə Şurasının növbəti iclası keçirilib.
Oxu.Az xəbər verir ki, bu barədə SOCAR məlumat yayıb.
Müşahidə Şurasının sədri, Azərbaycan Respublikasının iqtisadiyyat naziri Mikayıl Cabbarovun sədrliyi ilə baş tutan iclasda qurumun 2025-ci il üzrə audit olunmuş maliyyə hesabatları əsasında fəaliyyət nəticələri müzakirə olunub.
Eyni zamanda, iclasda SOCAR-ın borc öhdəliklərinin 2026-cı ildə idarə olunmasına və gündəlikdə duran digər məsələlərə dair ətraflı fikir mübadiləsi aparılıb.
Mənbə: Oxu.az
