Sağlam qidalanma uzunömürlülüyün əsas amillərindən biri hesab olunur. Antioksidantlarla zəngin qidaların gündəlik rasiona daxil edilməsi iltihabı azaltmağa, hüceyrələri zədələnmədən qorumağa və xroniki xəstəliklərin inkişaf riskini aşağı salmağa kömək edə bilər.
Qaynarinfo “Verywell Health”a istinadən xəbər verir ki, mütəxəssislərin sözlərinə görə, bu cür qidaların müntəzəm istehlakı ürək və beyin sağlamlığına, maddələr mübadiləsinə müsbət təsir göstərə və ömür uzunluğunun artmasına töhfə verə bilər. Diyetoloqlar rasiona daha tez-tez daxil edilməsini tövsiyə etdikləri 11 qidanın siyahısını açıqlayıblar.
1. Qara və yaşıl çay
Qara və yaşıl çay flavonoidlərlə zəngindir. Bu birləşmələr iltihabəleyhinə xüsusiyyətlərə malikdir. Araşdırmalar göstərir ki, çayın müntəzəm istehlakı ürək-damar xəstəlikləri, diabet və artrit riskinin azalması ilə əlaqələndirilir.
2. Alma
Tədqiqatlara görə, almanın müntəzəm istehlakı, xüsusilə də tərkibindəki flavonoidlər kimi antioksidantlar sayəsində, diabet də daxil olmaqla bəzi xroniki xəstəliklərin riskini azaltmağa və uzunömürlülüyü dəstəkləməyə kömək edə bilər.
3. Üzüm
Üzümdə olan antioksidantlar ürək və beyin sağlamlığını dəstəkləyir, iltihabı azaltmağa, qocalma prosesini ləngitməyə və maddələr mübadiləsinin normal fəaliyyətinə töhfə verə bilər.
4. Tünd şokolad
Kakao flavonoidlərin zəngin mənbəyidir. Bu maddələr qan damarlarının və ürəyin sağlamlığını dəstəkləməyə kömək edir. Araşdırmalara görə, tünd şokoladın normada istehlakı qan təzyiqini aşağı sala, xolesterin səviyyəsini yaxşılaşdıra və diabet riskini azalda bilər.
Mütəxəssislər yüksək kakao tərkibli və az şəkərli tünd şokolada üstünlük verməyi tövsiyə edirlər.
5. Portağal
Sitrus meyvələri iltihabəleyhinə xüsusiyyətləri ilə tanınır. Xüsusilə portağal qabığında faydalı birləşmələrin daha çox olduğu bildirilir.
6. Çiyələk
Çiyələk iltihabla mübarizəyə kömək edə və yaş artdıqca beynin fəaliyyətində baş verən zəifləməni ləngidərək idrak funksiyalarını dəstəkləyə bilər.
7. Qaragilə
Qaragilə ən zəngin antioksidant mənbələrindən biri hesab olunur. Bu giləmeyvə hüceyrələri zədələnmədən qorumağa kömək edə, ürək-damar xəstəlikləri və diabet riskini azalda bilər.
8. Qreypfrut
Qırmızı və çəhrayı qreypfrut növləri yüksək miqdarda antioksidant ehtiva edir. Bildirilir ki, meyvənin qabığı antioksidant baxımından lətindən daha zəngindir.
9. Qoz-fındıq
Badam, qoz və püstə uzunömürlülərin yaşadığı “Mavi zonalar” adlandırılan bölgələrin sakinlərinin rasionunda müntəzəm yer alır. Yüksək kalorili olmalarına baxmayaraq, bu məhsullar faydalı yağların və antioksidantların qiymətli mənbəyi hesab edilir.
10. Soya
Soya məhsulları bitki mənşəli zülal və iltihabı azaltmağa kömək edən maddələrlə zəngindir. Araşdırmalar onların ürək-damar xəstəlikləri və diabet riskini azaltmağa kömək edə biləcəyini göstərir.
11. Yarpaqlı yaşıl tərəvəzlər
Keyl kələmi, manqold, rukola və digər yarpaqlı yaşıl tərəvəzlər flavonoidlər və digər antioksidantlarla zəngindir. Bu maddələr orqanizmin sağlamlığını dəstəkləyir və xroniki xəstəliklərdən qorunmağa kömək edə bilər.
Uzunömürlülüyü dəstəkləyən vərdişlər
Həkim Sohaib İmtiazın sözlərinə görə, təkcə düzgün qidalanmaq kifayət deyil. Onun tövsiyəsinə əsasən, ömür uzunluğunu dəstəkləmək üçün aşağıdakı sağlam həyat tərzi vərdişlərinə də əməl etmək məqsədəuyğundur:
* Gündə 7-9 saat yatmaq;
* Həftədə ən azı 150 dəqiqə orta intensivlikli fiziki fəaliyyətlə məşğul olmaq;
* Həftədə azı iki dəfə güc məşqləri etmək;
* Meditasiya, gəzinti və ya yoqa vasitəsilə stress səviyyəsini müntəzəm azaltmaq;
* Dostlar və yaxınlarla aktiv sosial münasibətləri qorumaq.
Mütəxəssislər vurğulayırlar ki, balanslaşdırılmış qidalanma ilə sağlam həyat tərzinin birlikdə tətbiqi xroniki xəstəliklərin riskini azaltmağa və uzun illər sağlamlığın qorunmasına kömək edə bilər.
Ürəyin ən böyük düşməni – Yalnız bu amil ölüm riskini kəskin artırır
Yuxusuzluq və güclü gündüz yuxululuğunun birləşməsi ölüm və ürək-damar xəstəliklərinin inkişafı riski ilə əlaqəli ola bilər. “Ölkə.az” xəbər verir ki, “Sleep Health” jurnalında dərc olunan araşdırmanın müəllifləri bu qənaətə gəliblər. Alimlər “UK Biobank”ın 495 398 iştirakçısını
3 iyul
Bu tropik meyvənin qocalıqda müntəzəm istehlakı tövsiyə olunur
Marakuyya sadə görünüşünə baxmayaraq, yüksək lif və antioksidant tərkibi ilə seçilir. Bundan əlavə, onun tərkibində banandan daha çox kalium mövcuddur ki, bu da ürək fəaliyyətini dəstəkləyə bilər. Məhz bu xüsusiyyətlərinə görə marakuyya tez-tez “uzunömürlülük meyvəsi” adlandırılır və xüsusil
25 iyun
Subaylarda xərçəng riski daha yüksəkdir – Yeni ARAŞDIRMA
Yeni aparılan “Nikah və xərçəng riski” adlı genişmiqyaslı araşdırma göstərib ki, heç vaxt evli olmayan şəxslərdə əksər xərçəng növlərinə tutulma riski evli və ya əvvəllər evli olmuş insanlarla müqayisədə daha yüksəkdir. xarici KİV-ə istinadla bildirir ki, tədqiqat zamanı alimlər xərçəngə tutulm
21 iyun
Qəhvə hər kəs üçün uyğun deyil – Ekspert səbəbi izah etdi
Kasnı (çikoriy) ürək döyüntüsü və ritm pozuntusu yaşayan, lakin qəhvədən imtina etmək istəməyənlər üçün alternativ içki hesab olunur. xəbər verir ki, Diyetoloq Natalya Denisovanın sözlərinə görə, gündəlik qəhvə norması dörd fincana qədər olsa da, bəzi insanlar az miqdarda kofeinə belə həssas reaksiy
20 iyun
Qarpızın min dərdə dərman faydaları
Yayın ən sevilən meyvələrindən olan qarpız təkcə sərinləşdirici təsiri ilə deyil, sağlamlıq üçün faydaları ilə də diqqət çəkir. Axşam.az xəbər verir ki, tərkibinin təxminən 90 faizindən çoxu sudan ibarət olan qarpız orqanizmin maye balansını qorumağa kömək edir. Mütəxəssislərin sözlərinə görə, qarpızı
27 iyun
Qarpızın zəhərli olub-olmadığını yoxlamaq üçün su və yod testi
Qarpızın tərkibində artıq nitratların olduğunu su və yodla aparılan iki test göstərə bilər. Lakin nitrat səviyyəsini gözlə dəqiq müəyyən etmək mümkün deyil, ona görə də nitrat testerindən istifadə etmək ən yaxşısıdır. -a istinadla xəbər verir ki, bu barədə rusiyalı kənd təsərrüfatı elmləri doktoru, dosen
4 iyul
Maqnit qasırğasından əziyyət çəkənlər nə etməlidir?
Maqnit qasırğaları (geomanyetik fırtınalar) Günəş aktivliyinin artması nəticəsində yaranır və bəzi insanlarda xüsusilə baş ağrısı, halsızlıq, yuxusuzluq və əsəbilik kimi əlamətlərə səbəb ola bilər. Axşam.az xəbər verir ki, bu vəziyyət daha çox meteohəssas şəxslərdə müşahidə olunur. Maqnit sahəsindək
28 iyun
Mənbə: Sonxeber.az
